«Алматы қаласындағы білім беру ұйымдарының үздік педагогикалық ұжымы» атты конкурс туралы ақпарат

Толығырақ

11.07.2017 09:37 / Жаңалықтар

2017 жылдың 10 мамырда қала әкімінің орынбасары А.О.Қырықбаев бекіткен Үздік педагогикалық ұжымына сыйақы беру туралы Ережесіне сәйкес, 25 маусымда «Алматы қаласындағы білім беру ұйымдарының үздік педагогикалық ұжымына» сыйақы беру туралы  конкурс өткізілді.
Алматы қаласындағы  білім беру ұйымдарының үздік педагогикалық  ұжымына сыйақы беру туралы ережесі Қазақстан Республикасының «Білім туралы», «Қазақстан Республикасындағы жергілікті мемлекеттік басқару және өзін-өзі басқару туралы» Заңдары, «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы         31 желтоқсандағы №1193 қаулысы, «Мемлекеттік бюджет қаражаты есебінен Қазақстан Республикасы органдарының қызметкерлеріне сыйлық беру, материалдық көмек көрсету және лауазымдық жалақыларына үстеме ақы белгілеу ережесін бекіту туралы» Қазақстан Республикасы Үкіметінің 2001 жылғы 29 тамыздағы №1127 қаулысы негізінде жасалды.
Сыйақы тағайындау үздік педагогикалық ұжымдарға келесі нәтиже бойынша жүзеге асырылады:

1. Бас жүлде – 1 педагогикалық ұжым (165-180 балл);
2. 1 орын – 2 педагогикалық ұжым (155-164 балл);
3. 2 орын – 3 педагогикалық ұжым (145-154 балл);
4. 3 орын – 4 педагогикалық ұжым (135-144 балл).

Алматы қаласы бойынша 13 білім беру ұйымдары қалалық кезеңіне ұсынылды.

«Алматы қаласындағы білім беру ұйымдарының үздік педагогикалық ұжымына» сыйақы беру туралы конкурсқа қатысқан білім беру ұжымдары

Байқауды құзыретті қазылар алқасы бағалады, комиссия құрамы Алматы қаласының әкімінің орынбасарымен бекітіліп, оның ішіне білім басқармасының мамандары, қоғамдық ұйымдарының төрағалары, қалалық кәсіпорының педагог қызметкерлері, білім ардагерлері кіргізілді.
Комиссия қалалық байқаудың қорытындысын анықтады:

• Бас жүлде – №140 гимназиясы  Бостандық ауданынан (200 % лауазымдық еңбек ақысынан);
• 1 орын – №175 гимназиясы Әуезов ауданынан және №161 лицейі Медеу ауданынан (170 % лауазымдық еңбек ақысынан);
• 2 орын – №105 гимназиясы Бостандық ауданынан, №176 мектеп-гимназиясы  Наурызбай ауданынан,  №54 мектеп-гимназиясы Алмалы  ауданынан (150 % лауазымдық еңбек ақысынан);
• 3 орын – №56 гимназиясы Медеу ауданынан (130 % лауазымдық еңбек ақысынан).