Алматы қаласының №17 мектеп-интернатында Асанәлі Әшімовтың 80 жылдық мерейтойы аясында «Мен аманат арқалаған адаммын» атты кездесу кеші өтті

Толығырақ

30.10.2017 11:14 / Жаңалықтар

Алматы қаласы Білім басқармасы №17 мектеп-интернатында 26 қазан күні Қазақ ССР халық әртісі, Қазақстанның Еңбек Ері театр және киноактеры Асанәлі Әшімовтың 80 жылдық мерейтойы аясында «Мен аманат арқалаған адаммын» атты кездесу кеші өтті.

Кездесудің мақсаты Асанәлі Әшімовтың аңызға айналған ұлағатты өмір жолын, ұлттық өнерге сіңірген орасан зор еңбегін шәкірт жүрегіне ұялату арқылы оқушыларды өнерді сүюге, мамандық таңдай білуге тәрбиелеп рухани танымын кеңейту.

Елбасы Н.Ә.Назарбаев «Болашаққа бағдар Рухани жаңғыру» атты бағдарламалық мақаласында «Ұлттық салт-дәстүрлеріміз, тіліміз бен музыкамыз, әдебиетіміз, жоралғыларымыз, бір сөзбен айтқанда ұлттық рухымыз бойымызда мәңгі қалуы тиіс» деген болатын. Жас ұрпақтың ұлттық рухын қалыптастыруда Асанәлі Әшімұлының ғибратты ғұмыры мен жемісті еңбегінің берері мол.