Қазақстан Республикасы Білім және ғылым министрлігінің бұйрығы негізінде 2017 жылғы қараша айының 7-10 күндері аралығында Теміртау қаласында 11-ші сынып оқушылары арасында Х Президенттік олимпиада өтті

Толығырақ

27.11.2017 11:45 / Жаңалықтар

Қазақстан Республикасы Білім және ғылым министрлігінің бұйрығы негізінде 2017 жылғы қараша айының 7-10 күндері аралығында Теміртау қаласында 11-ші сынып оқушылары арасында Х Президенттік олимпиада өтті. Оған Алматы қаласынан 17 оқушы қатысты.

Президенттік олимпиаданың әр қатысушысы тапсырмаларды 4 пәннен орындады (математика, физика, химия және биология).

Олимпиаданың қорытындысы бойынша 17 оқушының 8-і жүлдегер атанды:

- I орын – 3 оқушы;

- II орын – 3 оқушы;

- III орын – 2 оқушы.

Алматы қаласының командасы жоғары нәтиже көрсетіп, республика бойынша бесінші жыл қатарынан 1 орынға ие болды.

Алтын медаль:

- Ли Олег - № 90 мамандандырылған мектеп-лицей;

- Шелестов Фёдор - № 165 мамандандырылған лицей;

- Ахметов Арман – Тамос Эдьюкейшн физика-математикалық мектебі.

Күміс медаль:

- Көптілеуов Қанат - №90 мамандандырылған мектеп-лицей;

- Сиргебаева Жанар - №90 мамандандырылған мектеп-лицей;

- Есентаев Мағжан - № 165 мамандандырылған лицей.

Қола медаль:

- Ақылдосұлы Бейбарыс - № 39 мамандандырылған лицей;

- Жаркимбаева Дана – № 90 мамандандырылған мектеп-лицей.

Сонымен қатар үстіміздегі жылғы қарашаның 9-10 күндері Алматы қаласында республикалық «Өзін-өзі тану» пәнінен олимпиада өтті. Оған 7-9 сыныптардан 3 оқушы (№№ 85, 111, 159 мектептерден) қатысты. Олимпиаданың қорытындысы бойынша Алматы қаласының командасы екінші жыл қатарынан республикада 1-ші орынды иеленді.