Алматы қаласында 2018 жылғы 13-16 ақпан аралығында республикалық ғылыми жобалар конкурсының қорытынды кезеңі өтті

Толығырақ

16.02.2018 17:15 / Жаңалықтар

Алматы қаласында 2018 жылғы 13-16 ақпан аралығында өткізілген республикалық ғылыми жобалар конкурсының қорытынды кезеңіне Қазақстанның барлық өңірлерінен 747 оқушы қатысты. Алматы қаласынан қалалық кезеңнің жеңімпаздары мен жүлдегерлері – 45 оқушы 36 жобамен өтті.

Ғылыми жобалар конкурсы 4 бағыт бойынша жүргізілді:

- «Ғылыми-техникалық прогресс – экономикалық өсудің негізгі буыны»(секциялар: физика, техника, Жер және Космос туралы ғылымдар);

- «Экономикалық және әлеуметтік процестерді математикалық модельдеу»(секциялар: математика, қолданбалы математика, экономика, информатика);

- «Таза табиғи орта – Қазақстан - 2050 стратегиясын іске асырудың негізі» (секциялар: биология, химия, қоршаған ортамен адам денсаулығын қорғау);

- «Қазақстанның тарихи ескерткіштері және болашақ дамуы бар саяхат бағдарлары»(секциялар: тарих, өлкетану, этномәдениеттану, әдебиет, тіл білімі, құқықтану).

Конкурс қорытындысы бойынша Алматы қаласының құрама командасы4 алтын, 9 күміс, 23 қола медальдарын иеленіп, І орынға ие болды және «Ең үздік команда-2018» сертификатымен марапатталды.

 «Дарын» РҒПО-ның 20-жылдығына орай  9 оқушы грамотамен марапатталды. Жеңімпаздардың толық тізімін сілтеме бойынша ала аласыз.

Жеңімпаздар мен жүлдегерлерді, ата-аналар мен мұғалімдерді лайықты жеңістерімен құттықтаймыз!Келешекте сәттіліктер мен жеңістер тілейміз!