«Үздiк педагог» атағын беру конкурсына қатысу үшiн құжаттарды қабылдау

Толығырақ

12.02.2019 08:11 / Жаңалықтар

«Үздiк педагог» атағын беру конкурсына қатысу үшiн құжаттарды қабылдау

Конкурс жыл сайын үш кезеңде өткізіледі:

1) І кезең – аудандық, жыл сайын сәуір айында өткізіледі; екінші кезеңге қатысуға ұсынылған конкурс жеңімпаздары анықталады.

2) ІІ кезең – қалалық, жыл сайын мамыр айында өтеді; оның нәтижесі бойынша III кезеңге қатысатын конкурстың жеңімпаздары анықталады.

Конкурстың қалалық кезеңіне қатысу үшін аудандық комиссия Алматы қаласы Білім басқармасының «Қалалық білім берудегі жаңа технологиялардың ғылыми-әдістемелік орталығы» КММ (мына мекен-жайға: Алматы қаласы, Қалдаяқов көшесі, №62 А үй, Бөгенбай батыр көшесінің бұрышында орналасқан) папкалар мен портфолиоларды өткізеді.

Папкада төмендегі құжаттар болуы тиіс:

- өкілетті органмен бекітілген нысан бойынша өтінім (қосымша №1);

- аудандық білім бөлімдері басшылары куәландырған Конкурсқа қатысушыға ұсыныс;

- ауданның ұйымдастырушы комитеті отырысының хаттамасынан көшірме;

- Конкурсқа қатысушы жөнінде толық ақпарат жазылған, байланыс телефоны, электронды мекен-жайы көрсетілген түйіндеме;

- жұмыс орнымен куәландырылған кадрларды тіркеу бойынша жеке іс-парағы;

- жеке куәлігінің көшірмесі;

- карточкалық базадағы 20 таңбалы қолданыстағы ағымдағы шоты туралы хабарлама.

Портфолиоға төмендегідей құжаттар салынады:

1. Педагогикалық қызметтің нәтижелілігін көрсететін құжаттар:

- оқушыларының соңғы үш жылдағы білім көрсеткіші;

- ОЖСБ және ҰБТ нәтижесі;

- қала деңгейіндегі олимпиада, оқушылардың ғылыми жарыстары, фестивальдер, конкурстар, конференциялар, шығармашылық конкурстар, спорттық жарыстар жеңімпаздары дипломдарының көшірмесі;

- республика деңгейіндегі олимпиада, оқушылардың ғылыми жарыстары, фестивальдер, конкурстар, конференциялар, шығармашылық конкурстар, спорттық жарыстар жеңімпаздары дипломдарының көшірмесі;

- халықаралық деңгейдегі олимпиада, оқушылардың ғылыми жарыстары, фестивальдер, конкурстар, конференциялар, шығармашылық конкурстар, спорттық жарыстар жеңімпаздары дипломдарының көшірмесі.

2. Педагогтың кәсіби құзіреттілігін дәлелдейтін құжаттар:

- біліктілігін арттыру жөніндегі куәлік, сертификаттар;

- қағаз (электронды) нұсқада инновациялық технологияларды қолдана отырып өткізген сабақ жоспарлары;

- педагогтың кәсіби конкурстарға қатысқандығын көрсететін дипломдар, грамоталар.

3. Педагогтың шығармашылық және зерттеу жұмыстарын көрсететін құжаттар:

- баспа жұмыстары, мақалалар, шеберлік сабақтардың жоспарлары;

-семинарлардың, ғылыми-тәжірибелік конференциялардың бағдарламалары;

- БАҚ-қа қатысқандығын растайтын анықтамалар;

- әдістемелік еңбектерінің көшірмелері;

- халықаралық және салааралық жобаларда ынтымақтастықты көрсететін анықтамалар.

4. Педагогтың кәсіби шеберлігіне және жеке тұлғасына берген бағаны анықтайтын құжаттар:

- білім беру ұйымы әкімшілігінің, әріптестерінің, оқушылардың, тәрбиеленушілердің, әлеуметтік серіктестердің (ата-аналардың), ғылыми, педагогикалық, шығармашыл қауым өкілдерінің пікірлері;

- әдістемелік өнімдерге пікір;

- алғыс хаттар, мақтау қағаздары, дипломдар;

5. Педагогтың қаланың, республиканың білім саласының дамуына қосқан жеке үлесін растайтын құжаттар:

- жұмыс бағыты бойынша авторлық бағдарламалардың, оқу-әдістемелік кешендердің әзірлемелері;

- мемлекеттік білім беру жобаларының педагогикалық тәжірибесіне енгізген жұмыстарын растайтын анықтама;

- конкурсқа қатысушының өз педагогикалық қызметі туралы аналитикалық есебі;

- электронды тасымалдаушыдағы сабақтар (компакт-дискілер);

- «Мен – заманауи педагогпын» тақырыбында қатысушының эссесі.

3) ІІІ кезең – республикалық, жыл сайын тамыз-қыркүйек айларында Астана қаласында өткізіледі, оның нәтижесі бойынша конкурстың жеңімпазы анықталады.

Қосымша №1

Алматы қаласы

Білім басқармасының

«Үздік педагог»

бұйрығына

«Үздік педагог» конкурсының қалалық қезеңіне қатысуға

ӨТІНІМ

Мені конкурсқа қатыстыруыңызды сұраймын. Өзім туралы төмендегідей мәлімет беремін:

Қосымша: конкурсқа қатысу үшiн құжаттар _____ парақ.
Өтiнiмнiң толтырылған күнi ________________________
Конкурсқа қатысушының жеке қолы ___________________
Бiлiм беру ұйымы басшысының қолы __________________

М.О.